Ka filluar takimi i liderëve të vendeve anëtare të NATO-s (VIDEO)

S. B. 12:14, 04-12-2019

Në Londër ka filluar takimi i Këshillit Veriatlantik (NAC) të shefave të shteteve dhe/ose të qeverive, në të cilën merr pjesë edhe Kryetari i Qeverisë së Republikës së Maqedonisë së Veriut, Zoran Zaev, zëvendëskryetarja në Qeveri dhe ministre e Mbrojtjes, Radmilla Shekerinska, zëvendëskryetari në Qeveri për Çështje Evropiane, Bujar Osmani dhe ministri i Punëve të Jashtme, Nikolla Dimitrov.

Me pjesëmarrje në takimin e liderëve të vendeve anëtare, vendin ynë përfaqësohet në nivel më të lartë në punën e organeve të Aleancës, dhe konfirmon përcaktimin për ndarjen e tërësishme të principeve për siguri të përbashkët dhe për ndërtimin e marrëdhënieve të fuqishme transatlantike me aleancën më të fuqishme politike dhe ushtarake të bazuara në vlera demokratike, si bazë për prosperitet të përbashkët dhe për përparim të vendeve anëtare.

Protokollin për anëtarësim të Maqedonisë së Veriut në Aleancë, deri tani e ratifikuan 28 vende anëtare të NATO-s. Anëtarësimi i plotë në NATO është realizim i qëllimit strategjik të vendit tonë, i përcaktuar me konsensus në vitin 1993 dhe mundëson kushte ideale për zhvillim ekonomik të forcuar dhe të përshpejtuar.

Aleanca Veriatlantike sivjet e shënon shtatëmbëdhjetë vjetorin e ekzistimit të saj në kontekst të mospajtimeve të thella midis Turqisë, Francës dhe SHBA-së.

LEXO: Maqedonia mysafir special i Samitit të NATO-s – njihet si partner i ardhshëm i barabartë

Ndryshe, sekretari gjeneral i NATO-s, Jens Stoltenberg ka deklaruar se Protokolli për hyrjen e RMV-së në NATO pret të ratifikohet në fillim të vitit 2020.

Procesi i ratifikimit të Protokollit nga shtetet anëtare erdhi pasi që ai fillimisht është nënshkruar më 6 shkurt në Bruksel, pas zgjidhjes së kontestit me Greqinë për ndryshimin e emrit dhe nënshkrimin e Marrëveshjes së Prespës. Pasi të gjitha vendet anëtare të NATO-s ta ratifikojnë Protokollin në Kuvendet e tyre, Maqedonia e Veriut do të bëhet anëtarja e 30 e NATO-s. Pa e ratifikuar protokollin për hyrje të RMV-së në NATO ka mbetur vetëm Spanja.