Është ndarë çmimi shtetëror “22 Nëntori” në RMV (FOTO)
Për nderë të Ditës së Alfabetit Shqip, në Republikën e Maqedonisë së Veriut prej këtij viti ka filluar ndarja e çmimit shtetëror “22 Nëntori”, njofton Portalb.mk.
Çmimi që është ndarë në Kuvend, u shoqërua nga prezenca në radhë të parë e funksionarëve dhe deputetëve nga Bashkimi Demokratik për Integrim (BDI).
Ashtu edhe siç ka vendosur kryesia e ndarjes së çmimit në kuadër të Ministrisë së Kulturës, në vendimin e publikuar më 14 nëntor, çmimi “22 Nëntori” ka shkuar për çiftin Agai, Andan dhe Kimete Agai të cilët njihet për aktivitetin e tyre në fushën e arsimit, si mësimdhënës, dhe për studiuesin, historianin dhe humanistin, David Hosafolk.
Me çmimin tentohet të shprehet mirënjohje ndaj njerëzve nga jeta politike, kulturore dhe shoqërore, të cilët kanë kontribuar në avancimin e bashkëjetesës ndërnjerëzore dhe mirëkuptimit të ndërsjellë ndërmjet pjesëtarëve të bashkësive, kulturave dhe feve të ndryshme në Republikën e Maqedonisë së Veriut.
Çifti Agai vitin e kaluar u vlerësuan edhe me çmimin “Shën Klimenti i Ohrit”.
