U takuan Rexhep Mejdani dhe Ilir Meta
Kreu i Shtetit, Ilir Meta ka zhvilluar sot një takim me ish-Presidentin Rexhep Mejdani për të diskutuar për zgjidhjen e krizës politike, transmeton OraNews.
“Së bashku me ish-Presidentin, Prof.Rexhep Meidani diskutuam sot për zhvillimet më të fundit në vend dhe rëndësinë e zgjidhjes së krizës së rëndë politike dhe institucionale”, shkruan Meta në Facebook.
Takimi është konsultativ dhe vjen menjëherë pas konsultimeve që kreu i shtetit bëri me opozitën.
Meta njohu opozitën me atë që ai i quan prova tronditëse të ndërhyrjes flagrante të kryeministrit në procesin e emërimit të gjyqtarëve në Gjykatën Kushtetuese.
Në takim është diskutuar dhe për reformën zgjedhore, ndërsa Presidenti ka përshëndetur hapat e opozitës, përfshirë kërkesën për zgjedhje të parakohshme. Nga ana e tij, Lulzim Basha, tha se platforma e opozitës për reformën zgjedhore do të bëhet publike javën e ardhshme.
