7 shtete të BE-së letër Juncker-it: Të gatshëm të hapim negociatat me RMV-në dhe Shqipërinë
Italia e 6 vende të tjera të BE-së i kërkojnë Komisionit Evropian një aksion konkret për të përmirësuar procesin e integrimit të vendeve të Ballkanit Perëndimor në Bashkimin Evropian, transmeton OraNews.
Në një letër drejtuar kreut të KE, Jean Claude Juncker e nënshkruar nga ministri i jashtëm italian, Luigi Di Maio e nga ministrat e jashtëm të 6 vendeve të tjera Austri, Poloni, Kroaci, Slloveni, Slovaki dhe Republika Çeke kërkohet që Komisioni të përpilojë propozime konkrete për të përmirësuar efikasitetin e procesit të pranimit të vendeve të Ballkanit Perëndimor.
Në këtë letër e siguruar në rrugë konfidenciale nga agjencia italiane e informacionit Ansa lexohet se “është e vërtetë se procesi i integrimit të këtyre vendeve vazhdon ngadalë e në mënyrë jo të rregulltë”, duke nënvizuar se “duhet të vazhdoj të ec pa vonesa të panevojshme.”
Krerët e diplomacisë së 7 vendeve nënshkrues të kësaj letre, deklarojnë se janë të gatshëm të angazhohen në mënyrë konstruktive për reformën e zgjerimit të BE me qëllim nisjen e negociatave me Shqipërisë e Maqedonisë së Veriut në mars të vitit 2020.
