Gruevski ia anuloi autorizimin avokatit në “Talir”, gjykatësja do të kërkojë tjetër
Procesi gjyqësor për ndërtimin e paligjshëm të pallatit të VMRO-DPMNE, “Talir”, në të cilin akuzohen Nikolla Gruevski dhe Kirill Bozinovski, nuk filloi përsëri, për shkak se Gruevski pikërisht para fillimi ia ka anuluar autorizimin avokatit të tij pak, njofton SDK.
Në vend që gjyqtarja Daniela Aleksova-Stojanovska të emëronte menjëherë një avokat sipas detyrës zyrtare, ajo e shtyu gjyqin për datë 21 nëntor 2019.
Në të kundërt, gjyqtarja Dobrila Kacarska nga e njëjta Gjykatë Themelore Shkup 1 dha një pauzë të shkurtër kur në mes të gjykimit një avokat e anuloi autorizimin e një të pandehuri për sulmin e organizuar në Parlament më 27 prill 2017, menjëherë e gjeti një avokat sipas detyrës zyrtare dhe gjykimi vazhdoi pa ndërprerje.
