Mickoski: Duam zgjedhje të parakohshme
Hristijan Mickoski, kryetari i partisë opozitare VMRO-DMPNE përsëri ka kërkuar zgjedhje të parakohshme parlamentare, transmeton Portalb.mk.
“Pres dhe dëshiroj zgjedhje të parakohshme pasi është mënyra e vetme të kontrollojmë nëse Maqedonia shkëlqen ose atë që ne si opozitë e themi, se jo vetëm që nuk shkëlqejmë, por shkojmë më shpejtë në humnerë”, deklaroi Mickoski.
Ai është i bindur se VMRO-DMPNE është partia më e madhe me 100 mijë vota më shumë se LSDM-ja. Pikërisht kjo, dhe shfrytëzimi i kësaj kohe nga pushtetarët për të vjedhur, janë arsyet që nuk po caktohen zgjedhjet e parakohshme.
