Parlamenti bullgar i ka thënë “po” fillimit të negociatave me Maqedoninë

Parlamenti Kombëtar Bullgar sot nxorri një deklaratë që përcakton mbështetjen e plotë të Bullgarisë për fillimin e negociatave të pranimit të Maqedonisë dhe Shqipërisë në BE, transmeton Portalb.mk.

Siç u deklarua nga BGNES, Deklarata, e cila ishte pika e parë në seancën e sotme të Parlamentit Bullgar, u miratua me 129 vota për, katër kundër, dhe një abstenim.

Deklarata thotë se Parlamenti Kombëtar Bullgar është i angazhuar për zgjerimin e BE-së dhe Procesin e Stabilizim-Asociimit të Maqedonisë dhe Shqipërisë.

LEXO: Bullgaria rekomandoi dhënien e datës së BE-së për RMV-në dhe Shqipërinë

Dokumenti thekson se integrimi evropian “nuk do të jetë i dëmshëm për shtrembërimin e ngjarjeve historike, dokumenteve dhe artefakteve, si dhe rolin dhe qëndrimet e personave në historinë bullgare”.

Deklarata e Sofjes i bën thirrje Shkupit të zbatojë në mënyrë efektive, pa vonesë dhe me mirëbesim, Marrëveshjen për Miqësi, Fqinjësi dhe Bashkëpunim, e cila u nënshkrua nga Kryeministrat e të dy vendeve, Boyko Borisov dhe Zoran Zaev më 1 gusht 2017.

• LEXO: Kushtet e Bullgarisë për integrimin evropian të Maqedonisë së Veriut
• LEXO: Pendarovski: Radevi nuk më ka njoftuar se do ta bllokojë datën e BE-së
• LEXO: Zaev: Nuk pres që Bullgaria dhe Greqia t’i bllokojnë integrimet tona euroatlantike

• LEXO: Radev: Nëse Komisioni s’ka zgjidhje, mbështetja ndaj RMV-së s’mund të jetë e pakushtëzuar