Buzaku i dha ultimatum 72 orësh kreut të BFI-së për të dhënë dorëheqjen
Skënder Buzaku sot lëshoi një ultimatum për kreun e Bashkësisë Fetare Islame (BFI), Reis Sulejman Rexhepi, që brenda 72 orëve të shkojë në BFI, përndryshe ai do të publikonte prova dhe fakte të veprimtarisë kriminale, të cilat ai e përshkroi si krime të rënda, njofton Meta.mk.
Përpara selisë së BFI-së, Buzaku ka vendosur një orë që numëron 72 orët.
“Sot jemi para derës së BFI-së, e uzurpuar nga Sulejman Rexhepi legalisht që nga viti 2011 dhe nga 2019 edhe realisht. Këtu dua të përcjell dy mesazhe të shkurtra. Me të parën u bëjmë thirrje të gjithë profesorëve, teologëve, haxhilerëve që janë dëbuar nga Sulejman Rexhepi, në të ardhmen ata do të përfshihen, por edhe të gjithë të tjerët që janë brenda, e që nuk kanë bërë asnjë krim, u premtojmë atyre se askush nuk do të humbasë vendin e punës, vetëm do të përmirësohemi dhe krijojmë kushte më të mira të punës”, tha Buzaku.
Ai i dha Rexhepit 72 orë për të dhënë dorëheqje, përndryshe, tha ai, ka “prova dhe fakte të tmerrshme që do të befasojnë tërë Maqedoninë, shtetin tonë”.
Trazirat në BFI erdhën pasi Buzaku njoftoi në prill se ai do të jetë kryetar i BFI-së, por anëtarët e Rijasetit i qëndruan pas Rexhepit.
- LEXO: Përplasja BFI, Buzaku: unë jam kryetar, Rexhepi: nuk ka vota muslimane për pushtetin pa reforma në drejtësi (VIDEO)
- LEXO: Reisi Sulejman Rexhepi është paditur për shpërndarje të gjuhës së urrejtjes ndaj maqedonasve
- LEXO: Prokuroria: Deklarata e Rexhepit për gjykatësen hetohet bashkë me gjuhën e urrejtjes kundër maqedonasve
- LEXO: Buzaku: Anëtarët e Rijasetit më kanë votuar mua për kryetar, më pas Rexhepi i ka frikësuar