Rama takoi presidentin e SHBA-së, Donald Trump

Kryeministri i Shqipërisë Edi Rama u takua sot me presidentin e SHBA-së, Donald Trump, transmeton TopChannel.

Takimi u zhvillua gjatë punimeve të sesionit të 74 të Asamblesë së Kombeve të Bashkuara në Nju-Jork.

Kryeministri Rama publikoi sot një fotografi, ku shfaqet me bashkëshorten e tij, Linda Rama dhe presidentin Donald Trump dhe zonjën e parë të SHBA-së, Melania Trump.

Edi Rama ndodhet në SHBA në kuadër të punimeve të Asamblesë së Përgjithshme të OKB-së. Gjatë punimeve të asamblesë Rama u takua me liderë të tjerë, mes tyre presidentin e Turqisë, Recep Erdogan dhe kryeministrin e Greqisë, Kyriakos Mitsotakis.