Ndryshimet klimatike, Greta Thunberg para liderëve botërorë me fjalim emocionues (VIDEO)
Aktivistja klimatike, Greta Thunberg në Samitin Klimatik të Asamblesë së Përgjithshëm të Organizatës së Kombeve të Bashkuara që u mbajt në Nju Jork, iu është drejtuar liderëve botërore me një mesazh domethënës, përcjell Portalb.mk.
Në videon që mund ta ndiqni më poshtë, mes tjerash u tha liderëve se, “ju ma keni vjedhur ëndrrën dhe fëmijërinë time”, duke shprehur revoltën e saj për ndryshimet klimatike që po ndodhin në botë.
“Ju më keni vjedhur ëndrrat e mia dhe fëmijërinë time me fjalët tuaja boshe. Njerëzit po vuajnë, njerëzit po vdesin. I gjithë ekosistemi po shkatërrohet në mënyrë masive”, tha mes tjerash Thunberg.
Përndryshe, Samiti i Ndryshimeve Klimatike ka për qëllim që të ndihmojë në realizimin e qëllimeve përmbajtjesore të miratuara në vitin 2015, të cilat në mënyrë shtesë do të shtjellohen në njërën nga pesë samitet e Asamblesë së këtij viti.
