ISHSSH: Restoranti “Bakall” është i mbyllur deri në rezultatet e inspektimit
Inspektorati Shtetëror Sanitar dhe Shëndetësor tha se restorantin Bakall në Bërvenicë, e kishin mbyllur për të parandaluar përhapjen e mundshme të helmimit nga ushqimi, si burim të mundshëm i përhapjes së sëmundjes ngjitëse, pasi dje kishin pranuar një telefonatë nga Qendra e shëndetit publik në Tetovë lidhur me helmim nga ushqimi, transmeton Nova Tv.
Restoranti është i ndaluar dhe i mbyllur për përdorim derisa të merren rezultate nga mostrat nga kontrolli i sotëm inspektues i çrregullt i koordinuar dhe zbatimin e masave të nevojshme sanitare-higjienike dhe anti-epidemike, theksojnë nga ISHSSH.
“Në 15.09.2019, pasi morëm një thirrje nga ISHP-QSHP Tetovë, në lidhje me helmimin nga ushqimi në SHPKNJP Brvenicë, Tetovë, Inspektorati sanitar shtetëror shëndetësor nga NJR Tetovë realizoi inspektim të çrregullt dhe të koordinuar me përfaqësuesit e ISHP- QSHP Tetovë dhe inspektorët e Agjencisë për Ushqim dhe veterinari NJR Gostivar. Gjendja e përgjithshme sanitare-higjienike e objektit është në nivel të kënaqshëm, objekti ka libreza të rregullta sanitare për 11 punonjësit të cilët kanë bërë kontrollin sanitar të realizuar brenda afatit, si dhe vërtetim për DDD të realizuar nga institucion të autorizuar e gjithashtu brenda afatit. QSHP Tetovë në bashkëpunim me ISHSSH ka marrë strisho nga duart e 5 punonjësve që kanë qenë në punë, si dhe strisho nga 6 mjedise jo të gjalla si sipërfaqe pune, pajisje”, thuhet në komunikatën e ISHSSH.
Nga Inspektorati shtetëror sqarojnë se inspektimi është bërë sipas indikacionit epidemiologjik, përkatësisht për shkak së mbrëmjen e 14.09.2019, pesë persona me simptoma të helmimit nga ushqimi kanë kërkuar ndihmë mjekësore në njësinë e sëmundjeve infektive të ISHP dhe gjendjeve febrile, e të cilët në përputhje me anketën epidemiologjike, kanë konsumuar ushqim gjatë ditës në restorantin SHPKNJP-Bakall Bakero eksport-import SHPKNJP nga Brvenica, Tetovë.
