Ristoska: PSP-ja është ende gjallë
Prokurorja e Prokurorisë Speciale Publike (PSP), Lençe Ristoska ka deklaruar se, PSP-ja ekziston dhe funksionon ende, transmeton Portalb.mk.
Ristoska gjithashtu deklaroi se, sipas Ligjit PSP-ja duhet të ekzistojë deri në shtator të vitit të ardhshëm.
Ajo edhe sot nuk ka dashur të tregojë se, çfarë do të ndodh me lëndët e PSP-së të cilat do t’i marrë Prokuroria Themelore Publike (PTHP), pasi që për këtë do të deklarohet gjatë ditës PSP-ja.
Këto komente Ristoska i dha me insistimin e gazetarëve, para se të fillojë seanca gjyqësore për rastin “Talir”.
- LEXO: DOSJE –Të gjithë hetimet e PSP-së
- LEXO: “Talir” – PSP hapi hetim për financim të paligjshëm të VMRO-DPMNE-së
Përndryshe, nga paraburgimi, kryeprokurorja Speciale, Katica Janeva ka dërguar letër deri te PSP-ja dhe PTHP-ja me çka ka kërkuar që lëndët nga materialet e përgjuara – “bombat”, të transferohen në PTHP. Sipas prokurores, Fatime Fetai nuk është me rëndësi se kush do të përndjek, por se të jepet përgjegjësi për dëmet që janë bërë.
