Raporti për Janevën u sjell në Kuvend, procedurat për shkarkim drejt finalizimit
Talat Xhaferi, kryetari i Kuvendit të Maqedonisë së Veriut pasi e pranoi Raportin e Këshillit të prokurorëve publik (KPP), e vazhdoi procedurën për shkarkimin e prokurores speciale Katica Janeva, transmeton Portalb.mk.
Ashtu siç pritej, në procedurë kuvendore hyri Raporti i KPP-së, raport i cili duhet të dorëzohet te Ilija Dimovski, kryetari i Komisionit kuvendor për zgjedhje dhe emërime.
Dimovski nga momenti i pranimit të Raportit, ka të drejtë të mban seancë në komision ku do të vendoset për shkarkimin e Janevës.
Propozimi i Komisionit pastaj duhet të votohet në seancën e Kuvendit për shkarkimin e Janevës.
Propozimi për shkarkimin e Janevës vjen pasi që është bërë e dyshuar në hetimin për rastin “Reket”, ndërkaq ajo përfundoi në paraburgim për keqpërdorim të detyrës dhe autorizimit zyrtar.
- LEXO: Shumica dhe opozita ende s’janë marrë vesh për PSP-në, s’ka diskutim në Komisionin Juridik-ligjvënës
- LEXO: Vazhdon procedura për shkarkimin e prokurores Katica Janeva
- LEXO: Gjykata vendosi 30 ditë paraburgim për Katica Janevën
LEXO PËR LËNDËN: REKET
