Në shtator do të mbahet edicioni i katërt i festivalit “Jazzfest Tetova”
Gjatë muajit shtator, në Qendrën për Kulturë të Tetovës do të mbahet edicioni i katërt i festivalit të xhazit, “Jazzfest Tetova”. Ky edicionin përfshin në vete 5 aktivitete.
Aktiviteti i parë do të mbahet më 11 shtator 2019, dhe në të do të performojë “Taksim Trio”. Aktiviteti i dytë më 12 shtator dhe shfaqet “Tavitjan Brothers ft. Rhani Krija” dhe nata e tretë, 13 shtator, me “Linda Rukaj and Band”. Që të tre aktivitetet do të mbahen në Qendrën për Kulturë të Tetovës, me fillim prej ora 20:00.
Për aktivitetet tjera do të ju njoftojmë në mënyrë shtesë.
Përndryshe, gjatë edicionit paraprak të “Jazzfest Tetova” janë paraqitur: Eda Zari me Rhani Krijën, Gert Kapo, Vladimir Gica, Christian Kappe dhe Visar Kuçi; Rona Nishliu quartet; Toni Kitanovski dhe Ritmos Negros, trio me muzikantë nga Peruja, Spanja dhe Bullgaria.
