RMV, një shofer ka humbur jetën pasi që me veturën e tij “Golf” ka dalë prej rrugës
Një person ka humbur jetën në një aksident në afërsi të Makedonski Brod, pasi që automjeti me të cilin ka drejtuar ka dalë prej rrugës, informojnë nga Ministria e Punëve të Brendshme, transmeton Portalb.mk.
“Më 27.08.2019 në orën 18:10 është paraqitur se në rrugën rajonale Makedonski Brod – f.Samokov, përpara hyrjes së f.Kovçe V.Z. (46) nga nga f.Rashtesh-Makedonski Brod, duke udhëtuar me automjetin “Golf” me targa të Ohrit, e ka humbur kontrollin dhe ka dalë prej rrugës. Pas aksidentit, vozitësi është dërguar spitalin e Makedonski Brodit, ndërkaq më pas edhe në Spitalin e Përgjithshëm në Prilep, por gjatë transportimit ka ndërruar jetë. Ekspertizë në vendin e ngjarjes ka kryer ekipi i Policisë, ndërkaq me urdhër të prokurorit trupi i të ndjerit është dërguar për në autopsi”, thonë nga MPB.
