Mund të bëhej trajneri më i paguar në botë, Mourinho refuzoi ofertën e ‘çmendur’
Jose Mourinho ka refuzuar ofertën për tu bërë trajneri më i paguar në botë. Oferta ka ardhur nga klubi kinez Guangzhou Evergrande.
Kinezët i kanë ofruar Mourinhos një pagë vjetore prej 88 milion paund ose 100 milion euro, një shifër rekord që nuk ishte parë më herët në historinë e futbollit, transmeton TopChannel.
Mourinho që me largimin nga Manchester United është i papunë, dhe pret oferta nga klube të mëdha. Kjo ishte edhe arsyeja që portugezi refuzoi klubin kinez.
Mourinho në qoftë se do të pranonte ofertën e klubit kinez do zëvendësonte Fabio Cannavaron.
