Bushati e kundërshtoi Pendarovskin: Ndarja do të ishte gabim strategjik për BE-në
Ndaj qëndrimit të presidentit të Republikës së Maqedonisë së Veriut, Stevo Pendarovski ka reaguar ish ministri i Punëve të Jashtme i Shqipërisë, Ditmir Bushati, me çka ka theksuar se ndarja e RMV-së nga Shqipëria në procesin e marrjes së datës për nisjen e negociatave qasëse, do të ishte një gabim strategjik i Bashkimit Evropian (BE), transmeton Portalb.mk.
Bushati ka kujtuar vlerësimin e Komisionit Evropian (KE) gjatë dhënies së rekomandimit të pakushtëzuar për RMV-në dhe Shqipërinë, se që të dyja shtetet i kanë kryer detyrat e shtëpisë.
“Që të dyja, si Shqipëria edhe Maqedonia e Veriut i ka kryer detyrat e shtëpisë sipas Komisioni Evropian. Ndarja e tyre do të ishte një gabim strategjik për BE-në, Stevo Pendarovski. Nevoja e nisjes së procesit qasës për të dyja shtetet, korrespondon me nevojat e shoqërive të tyre, historisë së tyre dhe rajonit”, shkruajti Bushati në rrjetin social “Tuiter”.
Both ???? have done the homework according to @EU_Commission. Therefore decoupling them would be a strategic mistake for #EU @SPendarovski. The need to launch the accession process for both countries corresponds to the demands of their societies, their history and the region https://t.co/73o9ji23UX
— Ditmir Bushati (@ditmirbushati) June 14, 2019
Përndryshe, në një intervistë për “Euroactiv”, presidenti i RMV-së, Stevo Pendarovski deklaroi se, në procesin e marrjes së datës për nisjen e negociatave qasëse të RMV-së me BE-në, sfidë mbetet ndarja e të parës nga Shqipëria.