fbpx

Është paraburgosur Jahi Jahiu – i dyshuari për ryshfet në tenderë të Fondeve IPA

Pas dyshimeve se ka marrë ryshfet në vlerë prej 39.930 euro, për sekretarin shtetëror të Ministrisë për Shoqëri Informatike dhe Administratë (MSHIA), Jahi Jahiu është parashtruar masë e paraburgimit 30-ditor, transmeton Portalb.mk.

Jahiu sipas informatave të Makfax tashmë është dërguar në Burgun e Shuto Orizares.

Përndryshe, paraburgimi i Jahiut vjen me kërkesë të Prokurorisë Themelore Publike për ndjekjen e krimit të organizuar dhe korrupsionit. I njëjti u arrestua sot nga Sektori për shkatërrim të krimit të organizuar nga Ministria e Punëve të Brendshme, me çka Prokuroria Themelore Publike për ndjekjen e krimit të organizuar dhe korrupsionit nisi procedurë hetimore për Jahiun dhe një person tjetër – ish udhëheqës i sektorit të MSHIA-së, si të dyshuar se gjatë periudhës 2014-2016 kanë pranuar ryshfet nga një person juridik prej Italisë – fitues i tenderit të Fondeve IPA në vlerë prej 1.096.900 euro.

I dyshuari i parë – Jahi Jahiu thuhet se nga ndërmjetësuesi ka marrë dhuratë në vlerë prej 39.930 euro, ndërkaq i dyshuari i dytë në vlerë prej 2.500 euro.

Lajme të ngjashme

Leave a Reply

Your email address will not be published. Required fields are marked *

Back to top button