Një autobus ka marrë flakë në vendkalimin kufitar në Tabanovc, nuk ka të lënduar

Ka marrë flakë një autobus në kalimin kufitar Tabanovc. Sipas informacioneve, të gjithë pasagjerët në momentin e shpërthimit të zjarrit u larguan menjëherë nga autobusi, duke shmangur tragjedinë eventuale, transmeton Portalb.mk.

Mjekët e ndihmës mjekësore emergjente nga Kumanova ofruan asistencë për një pasagjer rreth 70 vjeç që ishte prezent në autobusin që mori flakë në kalimin kufitar Tabanoc.

“Gruaja ishte dukshëm e mërzitur, e tronditur, e stresuar, dhe ne siguruam terapi, nuk kishte pasagjerë të tjerë që kishin pësuar lëndime”, informojnë nga ndihma emergjente e Kumanovës.

Pasagjerët në autobusin i cili deri tani për arsye të pakonfirmuara mori flakë në dalje të shtetit ndaj Serbisë fqinje, u evakuuan menjëherë. Në njësinë territoriale të zjarrfikësve në Kumanovë, ngjarja u raportua në 15:45. Zjarrfikësit e Kumanovës me dy automjete arritën të shuajnë zjarrin në autobusin që ishte në flakë. Pjesa tjetër e udhëtarëve që ishin në vendkalimin kufitar gjatë asaj periudhe vepruan me ndërgjegje dhe sipas situatës.

Bëhet fjalë për një autobus nga Novi Sadi, Serbi, i cili u dogj plotësisht rreth orës 16:00 në pikën kufitare Tabanovce midis Serbisë dhe Maqedonisë së Veriut.

Mediat serbe njoftuan se udhëtarët e autobusit dhe të gjithë ata që ishin afër kufirit ikën nga frika e një shpërthimi.