VMRO-DPMNE vendosi t’ia marrë imunitetin e deputetit Nikolla Gruevskit
“Të ndiqet Kushtetuta dhe ligjet dhe t’i merret imuniteti i deputetit, Nikolla Gruevskit”, vendosi sonte Komiteti Ekzekutiv i VMRO-DPMNE-së, njofton Portalb.mk.
“Apelojmë dhe i inkurajojmë deputetët në Kuvendi n e Maqedonisë që të veprojnë në mënyrë jo-selektive t’i respektojnë ligjet dhe Kushtetutën dhe në rastin me deputetin Nikolla Gruevski. Nëse janë plotësuar kushtet në pajtueshmëri me ligjin dhe Kushtetutën për ndalim të mandatit të Nikolla Gruevksit, atëherë apelojmë dhe i inkurajojmë deputetët në Kuvend që të veprojnë në pajtueshmëri me ligjet dhe Kushtetutën”, thonë nga VMRO-DPMNE.
Neni 65 i Kushtetutës qartë thotë:
“Deputetit mund t’i merret mandati kur është dënuar për vepër penale ose vepër tjetër që ndëshkohet, që e bëjnë atë të papërshtatshëm për të kryer funksionin e deputetit, si dhe për mungesë të paarsyeshme nga Kuvendi më shumë se gjashtë muaj. Heqjen e mandatit e përcakton Kuvendi me shumicë prej dy të tretave të votave nga numri i përgjithshëm i deputetëve”.
Sipas fjalisë së fundit, deputetët vetëm të verifikojnë dhe bëjnë formale detyrën të cilën ua ka dhënë Kushtetuta dhe të cilën ata duhet të përmbushin.
Ndryshe, ish kryeministri dhe ish lideri i VMRO-DPMNE-së, Nikolla Gruevski, më 13 nëntor të vitit 2019 u paraqit në rrjetin social Fejsbuk se e ka lëshuar Maqedoninë për shkak të kërcënimeve dhe ka kërkuar azil politik në Hungari. Njoftimi i Gruevskit erdhi pasi që MPB-ja lëshoi fletë-arrest. Përplasje ka mes shteteve se kush e ka ndihmuar Gruevskin për t’u arratisur në Hungari. Reagime të shumta ka pasur në opinion e Maqedonisë dhe Hungarisë, por edhe nga faktori ndërkombëtar. Shkuarja e Gruevskit në Budapest ka ardhur pas njoftimit të Gjykatës në Maqedoni që i njëjti të paraqitet në Burgun e Shuto Orizares për ta vuajtur dënimin me burg prej dy vjetësh në rastin “Tank” të prokurorisë Speciale Publike për furnizimin e mercedesit e vlerë pre rreth 600.000 euro.
