City edhe një hap pranë përjashtimit nga Liga e Kampionëve

Manchester City është shpallur fajtor për thyerjen e rregullave financiare të Fair Play.

Dhe kampionët e Ligës Premier tani po përballen me perspektivën reale të përjashtimit nga Liga e Kampionëve.

UEFA këtë mëngjes konfirmoi se njësitë e hetimeve të saj kishin gjetur se Citizens kanë punuar në kundërshtim me rregulloret e FFP, transmeton Telegrafi.

Sergio Aguero (Foto by Shaun Botterill/Getty Images/Guliver)

Në një deklaratë të shkurtër, UEFA shpjegoi “Shefi i Hetuesit të Trupit të Kontrollit Financiar të Klubeve (CFCB), pasi është konsultuar me anëtarët e tjerë të dhomës së pavarur hetimore të CFCB, ka vendosur sot të dërgojë rastin e klubit anglez në dhomën gjykuese të CFCB”.

“Dhoma hetuese e CFCB kishte hapur një hetim për Manchester City FC më 7 mars 2019 për shkeljet e mundshme të rregulloreve financiare të Fair Play (FFP) që u bënë publike në media të ndryshme”, shkruan në njoftimin e institucioneve evroopiane.

UEFA tha se nuk do të bëjë asnjë koment të mëtejshëm në pritje të gjykimit përfundimtar, që tani pritet brenda disa javësh.

Jadon Sancho (Foto by Gonzalo Arroyo Moreno/Getty Images/Guliver)

Klubi Etihadit akuzohet për fshehjen e milionave në fonde nga pronarët e klubit, Abu Dhabi United Group, nën maskën e fitimeve legjitime të sponsorizimit nga kompanitë me bazë në Gulf duke përfshirë Etihad Airways dhe gjigantët e investimeve Aabar.

Email-at dhe dokumentet gjithashtu sugjeruan se Citizens iu kishin kërkuar sponsorëve të paguajnë bonuse për të fituar FA Cup në vitin 2013 – edhe pse ata humbën në finalen me Wiganin – dhe shfryn pagesat e të drejtave të imazhit për lojtarët përmes një kompanie të veçantë që ishte në të vërtetë ende e kontrolluar nga klubi.

Pretendime të tjera thuhet se kanë të bëjnë me transferimin e Jadon Sancho për 250 mijë euro, i cili në atëkohë ishte 14-vjeçar kur u transferua nga Watfordi.