Dane Taleski vjen në vendin e Pendarovskit, emërohet koordinator për anëtarësim në NATO
Qeveria ka konfirmuar ndërprerjen e funksionit “koordinator kombëtar për NATO” për Stevo Pendarovskin, për shkak të zgjedhjes së tij presidentin i Republikës së Maqedonisë së Veriut. Sipas nenit 83 të Kushtetutës, presidenti i Republikës e ka të ndaluar të kryej ndonjë funksion tjetër, profesion apo post në ndonjë parti, transmeton Alsat M.
Qeveria në seancën e sotme gjithashtu ka miratuar vendimin për emërimin e Dane Taleski për koordinator të ri kombëtar për NATO. Taleski këtë funksion do ta mbart deri në anëtarësimin e plotë të vendit tonë në NATO. Taleski para se të emërohej për koordinator kombëtar ishte këshilltar për Politikë të Jashtme i kryeministrit Zoran Zaev.
