Haraçinasi në veturë kishte 10 emigrantë, i arrestoi policia

Në autostradën Shkup – Veles, dje gjatë mbrëmjes, shërbimet policore kanë ndaluar një veturë, në të cilën kanë gjetur dhjetë emigrantë, njofton Portalb.mk.

Siç informojnë nga Ministria e Punëve të Brendshme (MPB), vetura e llojit “Opell” ka qenë duke u vozitur nga I.M. (54) nga fshati Haraçinë e Shkupit.

Emigrantët dhe I.M. janë dorëzuar në Stacionin Policor të Velesit për procedurë të mëtutjeshme, dhe pasi rasti të dokumentohet në tërësi, kundër I.M. do të ngritet kallëzim adekuat.