Haradinaj: Mogerinit iu mor nga dora dialogu – shpëtuam nga rreziku i ndarjes
Kryeministri i Kosovës, Ramush Haradinaj ka thënë se suksesi më i madh i Samitit të Berlinit ka qenë heqja e mandatit të Shefes së Diplomacisë Europiane, Federika Mogerinit, njofton Klan Kosova.
“Samiti i Berlinit është një ngjarje shumë e dobishme dhe e suksesshme për Kosovën sepse procesi i dialogut i është marrë Mogherinit, tek e cila ka pasë rrezik që Kosovës me i ardhë e keqja edhe përfshirë ndarjen Kosovës”, tha Haradinaj.
“Procesi i tanimë është në përgjegjësi të Merkelit dhe Macronit. Ky është suksesi më i madh sepse dialogu është hequr prej adresës, e cila ka mund të befasojë Kosovën me ndonjë marrëveshje të keqe”, tha Haradinaj.
