MBP: Procesi zgjedhor kaloi qetë, tre raste u vërtetuan për fotografim të fletëvotimit dhe një rast votim i organizuar (Video)
Ministri i Punëve të Brendshme, Oliver Spasovski i përgëzoj të gjithë banorët e Republikës së Maqedonisë së Veriut për ditën e sotme, e cila sipas tij kaloi e qetë dhe në atmosferë demokratike, transmeton Portalb.mk.
“Edhe njëherë qytetarët treguan zgjuarsi dhe përgjegjësi për të vendosur për ardhmërinë e tyre. Deri më tani janë regjistruar tre raste të fotografimit të fletëvotimit. I pari rast ndodhi në fshatin Drugovo të Kërçovës, rasti i dytë ishte në vendvotimin në shkollën fillore “Kuzman Josifovski Pitu” në Shkup, dhe rasti i tretë në Negotinë. Kundër personave përgjegjës janë marrë masat e duhura. Ka pasur edhe katër denoncime për agjitim dhe më pas është vërtetuar se nuk ka dëshmi dhe se denoncimet anë pa fakte. Gjithashtu janë evidentuar edhe dy raste të votimit të organizuar në Manastir, ku lajmërimi u cilësua si i pabazë, kurse në Koçani, ku u paraqit rasti i dytë, janë marrë masat për zbardhjen e rastit. Nëse do të ketë raste të tjera të lajmëruara, MPB do të njoftojë publikun”, tha Spasovski.