Në Suharekë janë vrarë dy persona
Në komunën e Suharekës sot kanë ndodhur dy vrasje, ka konfirmuar për Radion Evropa e Lirë, zëdhënësi i Policisë së Kosovës për Rajonin e Prizrenit, Vesel Gashi.
Gashi tha se sipas informatave që kanë pranuar, një person është vrarë në një kazino në orën 9:00 të mëngjesit të sotëm, transmeton REL.
Ndërkaq, rasti tjetër ka ndodhur në fshatin Studenqan të po kësaj komune, ku ka mbetur i vrarë një person.
“Mund të konfirmoj se sot kanë ndodhur dy vrasje në komunën e Suharekës. Për këto dy raste do të mbahet një konferencë për media”, tha zëdhënësi Gashi.
