Nga mesnata qytetarët e Maqedonisë në Greqi do të hyjnë vetëm me pasaportë
Fletat e bardha, në të cilat deri dje policët kufitar të Greqisë kanë vendosur vula për hyrje të qytetarëve të Maqedonisë në vendin e tyre, nga sonte në mesnatë do të hiqen nga përdorimi, transmeton Portalb.mk.
Sonte zyrtarisht gjatë hyrjes në Greqi, qytetarët e Maqedonisë do të mund të hyjnë vetëm me pasaportë, në të cilët policët kufitar të vendit do të vendosin vulë me emrin Republika e Maqedonisë së Veriut.
Rregullat e reja sipas Marrëveshjes së Prespës, shërbimet kufitare kanë filluar t’i zbatojnë pas një jave pasi në vendkalimin kufitar Bogorodica u vendos tabela me emrin e ri kushtetues të vendit tonë.
Sipas paralajmërimeve, letërnjoftimet dhe pasaportat me emrin e ri kushtetues të vendit do të fillojnë të lëshohen kah fundi i vitit.
LEXO: Derisa të ndërrohen tërësisht, në pasaporta do të vendoset vulë e Maqedonisë së Veriut