Nëna e Kostadinovit nga LSDM-ja do të japë dorëheqje nga vendi i punës
Zëdhënësi i LSDM-së, Kostadin Kostadinov deklaroi se nëna e tij Fanija Kostadinova do të tërhiqet nga vendi i punës, transmeton Portalb.mk.
Ai tha se punësimi i saj është bërë në mënyrë ligjore, por tërheqja është akt moral. Kostadinov pret që edhe të tjerët ta ndjekin shembullin e njëjtë.
Fanija Kostadinova është gjetur në listën e familjarëve të funksionarëve të lartë të punësuar në institucionet dhe ndërmarrjet shtetërore, punësimet e të cilëve Komisioni i Antikorrupsionit planifikon t’i hulumtojë.
Nëna e Kostadinovit ishte e punësuar në pozitën referent në Regjistrin qendror në Strumicë me shkollë të mesme.
Në ndërkohë, Antikorrupsioni është duke i kontrolluar punësimet e 18 familjarëve të funksionarëve se a ka pasur ndikim dhe ndeshje të interesave.
Përndryshe, ministri për Shoqëri Informatike dhe Administratë, Damjan Mançevski tha se rezultatet e largimit të njerëzve të punësuar në baza familjare, do të jepen sot.
LEXO: Punësimet familjare, ministri Mançevski: Rezultatet e largimit do të jenë sot