Gordana Siljanovska Davkova kandidatja e VMRO-së për zgjedhje presidenciale
Profesoresha universitare, Gordana Siljanovska Davkova është zgjedhur zyrtarisht kandidate e VMRO-DPMNE-së, për zgjedhjet presidenciale të 21 prillit, njofton Portalb.mk.
Nikolla Micevski në konventën e partisë që u mbajt në Strugë, ka njoftuar se për Siljanovskën kanë votuar 408 nga 519 delegatë sa kanë votuar, njofton Portalb.mk.
Votat e mbetura kanë shkuar për Vlladimir Gjorçevin dhe kandidatët e tjerë.
——————–
Në qytetin e Strugës ka filluar konventa e VMRO-DPMNE-së, ku pritet deri në mbrëmje që të zgjedhë kandidatin për president nga gjithsej nëntë kandidatët e propozuar.
Nëse rastësisht asnjëri nga kandidatët potencial nuk e fiton numrin e duhur të votave atëherë organizohet raundi i dytë me dy kandidatët që kanë marrë më së shumti vota.
Kandidatët janë:
Vllatko Gjorçev – deputet,
Nikita Shekutkovski – doktor i shkencave matematikore,
Gjorgji Manaskov- inxhinierë dhe kryetar i Odës energjetike,
Vasko Kostov – farmacist,
Gordana Siljanovska- profesore e fakultetit të drejtësisë në Shkup,
Ilija Dimovski – profesor në pension,
Filip Petrovski – doktor i shkencave politike,
Goran Angelov – jurist, Sasho Kutleshovski – doktor i shkencave bujqësore.