Maqedonia e Veriut, Micotakis: Janë shkelur linjat kombëtare të vendit
Lideri i Demokracisë së Re Kirjakos Micotakis përmes një mesazhi në profilin e tij në Twitter ka theksuar se kryeministri grek Aleksis Cipras do të përgjigjet edhe para popullit edhe para historisë për Marrëveshjen e Prespës. Ai shtoi se janë shkelur linjat kombëtare të vendit, njofton Alsat.
“Në vend që të marrim erga omnes emër të përbërë, japim erga omnes identitet dhe gjuhë maqedonase. Është koha që deputetët të ndërmarrin përgjegjësi dhe të vendosin: do të thonë “PO” atje ku gjashtë kryeministra kanë thënë “JO”?”, ka shkruar Micotakis në Twitter.
Së bashku me porosinë ai ndau edhe video nga fjalimi i tij në Kongresin e 12-të të Demokracisë së Re më 14 dhjetor të vitit të kaluar.
Videoja përfundon me porosi të shkruar deri tek Ciprasi.
“Jeni i detyruar, z. Cipras të përgjigjeni jo vetëm para maqeonasve dhe i të gjithë popullit grek, por edhe para historisë, e ka porositur Micotakis kryeministrin grek.
