fbpx

SHBA i bën thirrje Rusisë të respektojë traktatin për kontrollin e armëve

Washingtoni i bëri thirrje Moskës që të ndërmarrë hapa për të shpëtuar një traktat për kontrollin e armëve, që daton nga koha e Luftës së Ftohtë.

“Shtetet e Bashkuara po zbulojnë gjithnjë e më shumë se Rusisë nuk mund t’i besohet kur bëhet fjalë për obligimet që ka në kontrollin e armëve. Veprimet e saj malinje në glob i kanë rritur tensionet”, tha Robert Wood, ambasador i SHBA-së në Konferencën për Çarmatim, të sponsorizuar nga Kombet e Bashkuara në kohën e tensioneve në rritje midis Moskës dhe Washingtonit, transmeton REL.

SHBA-ja ka thënë se do ta braktisë Marrëveshjen për Forca Bërthamore me Rreze të Mesme, të vitit 1987, nëse Rusia nuk e çmonton armën për të cilën Uashingtoni thotë se e shkel atë.

Rusia e mohon se raketa në fjalë – të cilës i refereohet si SSC-8 ose 9M729 – e shkel traktatin dypalësh që kufizon raketat me rreze të mesme.

“Veprimet, politikat dhe sjellja e Rusisë nuk janë ato të një aktori shtetëror përgjegjës”, tha Wood në konferencën që u mbajt në Gjenevë.

Pas komenteve të Woodit, zëvendësambasadori i Rusisë për çarmatim, Aleksandr Deineko, tha se “bërja e akuzave të njëanshme nuk është një rrugë konstruktive përpara”.

Tags

Lajme të ngjashme

Leave a Reply

Your email address will not be published. Required fields are marked *

Back to top button
Close