Rasti i 27-prillit, sot do të dëgjohen dëshmitarët e fundit

Gjykimi për ngjarjet e 27 prillit të vitit të kaluar në Kuvend,  sot vazhdon në Gjykatën Penale me dëgjimin e pesë dëshmitarëve të propozuar nga mbrojtja e të akuzuarit Bogdan Ilievski “Betmen”.

Sipas njoftimeve nga kryetarja e Këshillit gjyqësor, pritet që sot të mbarojë dëgjimi i dëshmitarëve, nesër Prokuroria të vazhdojë me dëshmitë shtesë, dhe javën e ardhshme të akuzuarit dhe mbrojtësit e tyre të fillojnë më fjalët e tyre përfundimtare.

Ndryshe, për ngjarjet në Kuvend të akuzuar janë 33 persona, prej të cilëve 31 për veprën “rrezikim terrorist të rendit kushtetues” dhe dy të tjerë për veprën “nxitje”.

Në mesin e të akuzuarve janë deputetë, të punësuar në MPB dhe sigurim kuvendar, artistë. Ata ara Gjykatës thanë se e kuptojnë aktakuzën por se nuk ndihen fajtorë.