Ende nuk dihet saktë se kur do të rinovohen sallat e operacionit të Klinikës së Ortopedisë

Sallat operative të Klinikës së Ortopedisë që filluan të rinovohen  para rreth gjashtë muajsh, vështirë se do të vihen në funksion në pranverë të vitit të ardhshëm. Mjekët thonë se kanë operuar në Klinikën e Kirurgjisë. Por, që të hyjnë në sallën operative të Kirurgjisë, duhet të presin të mbarojnë operacionet e caktuara të mjekëve të kësaj klinike, transmeton portali “Zdrastvo” (Shëndetësia), transmeton Portalb.mk.

“E dimë që mjekët nga Ortopedia përballen me probleme. Por, ne këtu nuk mund të ndihmojmë. Ka shumë operacione që edhe ne duhet t’i kryejmë”, thonë nga Klinika e Kirurgjisë.

Megjithatë, qytetarët që kanë nevojë për operacione më urgjente, vihen në situata të vështira.