fbpx

Ministri Spasovski me pagë më të lartë se kryeministri Zaev

Ministri i Punëve të Brendshme Oliver Spasovski në tetor ka pranuar pagë më të madhe se kryeministri Zoran Zaev. Të dhënat e marra nga Qeveria, të cilat “Vërtetmatësi” i kërkoi për verifikim të një prej premtimeve zgjedhore të LSDM-së lidhur me llogaridhënie  e qeverisë, tregon se neto-paga e ministrit Spasovski arrin 92.299,00 denarë, dhe është më e lartë se neto-paga e kryeministrit Zaev e cila është 88.161 denarë, për 4.138 denarë ose rreth 70 euro.

 “Vërtetmatësi” këto ditë (09.11.2018), bëri vlerësimin e premtimit të LSDM-së të dhënë gjatë kohës së zgjedhjeve parlamentare (dhjetor 2016), me të cilin zotohet se në gjashtë muajt e parë të mandatit do të paraqes masa me të cilat çdo qytetarë prej kompjuterit të tij do të mund të kontrollojë se sa është paga e çdo ministri, sa merr sa janë kompensimet për shpenzime rrugore, dhe shpenzime të tjera…”. Ky premtim zgjedhor i LSDM, pjesë e programit të tyre zgjedhor: “Plani për jetë në Maqedoni“, në kuadër të “Planit 180 – reforma urgjente me prioritet në qeverinë e re në gjashtë muajt e parë” (faqe 231), morri notën “pjesërisht i realizuar”. 

Të sqarojmë se pas publikimit të tekstit të përmendur (vlerësimi i premtimit), sot (13.11.2018) nga Qeveria morëm të dhëna të reja për neto-pagat e ministrave, me sqarimin se në konsultim me shërbimet ka ndryshime në të dhënat e para të cilat janë dërguar me anë të postës elektronike. Sipas të dhënave të reja, paga më e ulët neto e paguar në tetor është 66.117,00 denarë, rreth 1.075 euro (Asaf Ademi, ministër i Kulturës), ndërsa paga më e lartë është 92.299,000 denarë, rreth 1.500 euro (Oliver Spasovski, zëvendëskryeministër i Qeverisë dhe ministër i Punëve të Brendshme). Këto shuma janë më të larta në raport me listën e para të publikuar në tekst me 09.11.2018, e cila, nuk kishte të dhëna për pagën e ministrit Oliver Spasovski. Dallimi i lartësisë së neto-pagave të ministrave në të dy listat lëviz prej 300 deri 12.000 denarë.

Në interes të informacioneve konkrete i publikojmë edhe të dhënat e reja për neto-pagat e ministrave, përsëri, të përmendim se vlerësimi i premtimit zgjedhor i socialdemokratëve mbetet i njëjtë – “pjesërisht i realizuar”. Sepse, siç thamë më parë në tekstin paraprak, ideja e premtimit nuk është që qytetarët (mediumet, organizatat joqeveritare) të dërgojnë kërkesa speciale për marrjen e informacioneve të këtilla të karakterit publik, ose të llogarisin se sa janë pagat e ministrave, por një të dhënë të këtillë ka marrin në një mënyrë më të thjeshtë, përmes veglës kompjuterike e cila duhet të publikohet në vend të dukshëm dhe të bie në sy menjëherë. Kontrollin, të paktën deri më tani, nuk kanë mundur ta bëjnë vetëm me një klikim nga kompjuteri. Por, duke pasur parasysh se është realizuar një pjesë e premtimit, është vendosur Vegla për llogaridhënie për shpenzimet rrugore dhe shpenzimet tjera të ministrave, të njëjtën e vlerësuam si gjysmë të realizuar. 

1. Zoran Zaev, kryetar i Qeverisë në Republikën e Maqedonisë 88.161,00 denarë;
2. Koço Angjushev, zëvendëskryeministër i Qeverisë, për çështje ekonomike dhe për koordinim të sektorëve ekonomik 80.206,00 denarë;
3. Oliver Spasovski, zëvendëskryeministër i Qeverisë dhe ministër i Punëve të Brendshme 92.299,00 denarë;
4. Radmilla Sheqerinska, zëvendëskryeministre në Qeverinë e Republikës së Maqedonisë dhe ministre e Mbrojtjes 79.150,00 denarë;
5. Bujar Osmani, zëvendëskryeministër i Qeverisë, për çështje evropiane 75.635,00 denarë;
6. Hazbi Lika, zëvendëskryeministër i Qeverisë, për çështje të zbatimit të Marrëveshjes kornizë dhe sistemit politik 76.340,00 denarë;
7. Damjan Mançevski, ministër për Shoqëri Informatike dhe Administratë 69.370,00 denarë;
8. Robert Popovski, ministër pa portofol për komunikime, llogaridhënie dhe transparencë 71.970,00 denarë;
9. Nikolla Dimitrov, ministër i Punëve të Jashtme 71.644,00 denarë;
10. Ljupço Nikollovski, ministër i Bujqësisë, Pylltarisë dhe ujësjellësit 68.068,00 denarë;
11. Mila Carovska, ministre e Punëve dhe Politikës Sociale 67.743,00 denarë;
12. Dragan Tevdorovski, ministër i Financave 70.346,00 denarë;
13. Suhejl Fazliu, ministër i Vetëqeverisjes lokale 66.442,00 denarë;
14. Edmond Ademi, ministër pa portofol për diasporën 68.719,00 denarë;
15. Kreshnik Bekteshi, ministër i Ekonomisë 68.393,00 denarë;
16. Arbër Ademi, ministër për Arsim dhe Shkencë 68.719,00 denarë;
17. Sadulla Duraku, ministër i Mjedisit Jetësor dhe Planifikimit Hapësinor72.621,00 denarë;
18. Aksel Ahmedovski, ministër pa portofol i caktuar për implementimin e Strategjisë për përmirësimin e gjendjes së romëve në Republikën e Maqedonisë 70.994,00 denarë;
19. Venko Filipçe, ministër i Shëndetësisë 68.393,00 denarë;
20.  Zoran Shapuriq, ministër pa portofol për rregullore për përmirësimin e klimës investuese të ndërmarrjeve në vend 77.825,00 denarë;
21.  Asaf Ademi, ministër i Kulturës 66.117,00 denarë;
22. Bardhyl Dauti, ministër pa portofol, i caktuar për investime të huaja69.695,00 denarë;
23. Goran Sugareski, ministër për Transport dhe Lidhje 71.644,00 denarë;
24. Renata Deskoska, ministre e Drejtësisë 72.296,00 denarë;
25. Adnan Qahil, ministër pa portofol i caktuar për investime të huaja 74.898,00 denarë;
26. Zorica Apostollska, ministre pa portofol për investime të huaja 76.793,00 denarë.

Lartësia e neto-pagës për tetorin e vitit 2018; Burimi: Qeveria e RM-së

Burimi i lajmin: Vërtetmatës

Lajme të ngjashme

Leave a Reply

Your email address will not be published. Required fields are marked *

Back to top button