Melania Trump kërkon shkarkimin e një këshilltareje në Shtëpinë e Bardhë
Zonja e parë e Shteteve të Bashkuara të Amerikës (SHBA) Melania Trump thuhet se ka kërkuar shkarkimin nga detyra të zëvendëses së këshilltarit për siguri të presidentit të SHBA-së Donald Trump, Mira Ricardel, raporton Anadolu Agency (AA).
Stephanie Grisham, zëdhënësja e Melania Trump, komentoi pretendimet për shkarkimin e Ricardel.
“Zyra e zonjës së parë të SHBA-së vlerëson se Mira Ricadel nuk meriton më të punojë në Shtëpinë e Bardhë”, ka thënë Grisham.
Shtëpia e Bardhë ende nuk ka lëshuar njoftim zyrtar lidhur me shkarkimin e Ricardel nga detyra.
“Wall Street Journal” në lajmet e publikuara të martën thekson se gjatë vizitës së Melania Trump në Afrikë muajin e kaluar ka ardhur deri te një konflikt të ekipit të saj dhe Ricardel për vendet në avion.
Siç pretendohet, Ricardel më herët ka patur mosmarrëveshje edhe me Sekretarin e Mbrojtjes Jim Mattis dhe me kolegë të tjerë.
