Liverpool-i bie në Beograd, Monaco shkatërrohet nga Brugge
Liverpooli është dorëzuar dhe ka dalë pa pikë nga Beogradi, duke e bërë të vështirë tashmë kualifikimin nga grupi i Champions League, transmeton Top Channel.
Skuadra e Klopp u mposht me rezultatin 2-0 nga ana e vendasve, që shënuan dy gola të shpejtë me Pavkov në minutat e 22 dhe 29, duke marrë kontrollin e lojës dhe duke menaxhuar me perfeksion këtë avantazh të dyfishtë.
Nga ana tjetër, Liverpool krijoi shumë raste, por nuk arriti të ndryshojë rrjedhën e ndeshjes dhe me këtë humbje ka vënë seriozisht në pikëpyetje, kalimin e grupeve, pasi tashmë duhet të garojë me Napolin e PSG-në, që e kanë ende edhe në ndeshej ndaj serbëve.
Monaco nuk “gjen derman” as me Thierry Henry në stol, pasi sot është mposhtur me rezultatin e thellë 0-4 nga belgët e Club Brugge, në sfidën e luajtur në stadiumin “Louiss II”, të principatës franceze.
