Vdes një 28 vjeçar në Burojë, pas aksidentit mes veturës dhe traktorit

Një 28 vjeçar ka ndërruar jetë, pas një aksidenti që ka ndodhur mbrëmë rreth orës 19:00 në rrugën rajonale Skenderaj-Klinë.

Aksidenti ka ndodhur në fshatin Burojë, ku të lënduar kanë mbetur edhe tre persona të tjerë, njofton policia, përcjell Klan Kosova.

“Nga hetimet e para të bëra në vendngjarje nga hetuesit e njësisë së trafikut rajonal, bëhet e ditur se aksidenti ka ndodhur ndërmjet një veture e një traktori, ndërsa dyshimet  e para për shkaktarin e aksidentit konsiderohet të jetë qarkullimi i traktorit pa drita”, thuhet në kumtesën e policisë.

Me urdhër të prokurorit të rastit, trupi i pajetë i viktimës së aksidentit është dërguar për obduksion.

Humb jetën gjashtë vjeçarja në magjistralen Prishtinë – Gjakovë, lëndohen nëntë persona tjerë