Arizona, Teksasi mobilizojnë gardën në kufi
Shtetet amerikane të Arizonës dhe Teksasit njoftuan dje se do të dërgojnë brenda javës së ardhshme 400 trupa të Gardës Kombëtare në vijën kufitare SHBA-Meksikë, pasi presidenti kërkoi që të shtohen trupat në kufi.
Garda Kombëtare e Teksasit tha se ka dërguar disa trupa dhe ka në plan të dërgojë edhe një kontigjent shtesë brenda tri ditësh, shkruan VOA.
Guvernatori i Arizonës njoftoi dje se rreth 150 trupa të gardës do të dërgohen brenda javës së ardhshme.
Presidenti Trump tha para disa ditësh se synon të mobilizojë 2000-4000 trupa të Gardës Kombëtare për të mbështetur njësitë e patrullimit të kufirit.
Dje, Sekretari i Mbrojtjes James Mattis miratoi kërkesën e presidentit për dërgimin e deri 4000 trupave të Gardës në kufi.
