Europiani i Peshëngritjes, Shqipëria shkon me 7 sportistë
Në kampionatin Europianin të Peshëngritjes, Shqipëria do të përfaqësohet me 7 sportistë, 6 meshkuj dhe një femër, ndërsa listat e pjesëmarrësve në evenimentin që do të zhvillohet në Bukuresht, u konfirmuan edhe nga Federata Evropiane e këtij sporti, transmeton TCH.
Fakti që Federata e Peshëngritjes është pa president dhe data e Asamblesë për zgjedhjen e kreut të ri ende nuk është përcaktuar, apo edhe që ndërkombëtarët i hoqën Shqipërisë të drejtën e organizimit të Kampionatit Europian, nuk e ka penguar sportin e peshëngritjes të ketë përfaqësuesit e saj.
Ndërkohë pjesë e listës përfundimtare me 7 peshëngritësit pjesëmarrës në europian, do të jenë Evangjeli Veli, për femra dhe për meshkuj do të jenë Romario Avdiraj, Arber Çercizi, Briken Çalja, Daniel Godelli dhe Erkand Qerimaj si dhe Krenar Shoraj
Europiani i peshëngritjes do të çelë siparin më datë 26 mars dhe do të zgjasë deri më 1 prill, në Bukuresht të Rumanisë.
