Pheniani u pajtua që negociatat me Seulin të fillojnë javën e ardhshme
Autoritetet e Koresë Veriore sot u pajtuan që negociatat me Korenë e Jugut të fillojnë më 9 janar.
Përgjigja vjen pasi Koreja e Jugut kërkoi vazhdimin e negociatave të cilat duhet të mbahen në zonën e demilitarizuar mes dy shteteve.
Një nga temat e bisedave do të jetë mundësia që sportistë nga Koreja e Veriut të marrin pjesë në Lojërat dimërore olimpike, që do të mbahen muajin e ardhshëm në vendin koreanojugor, Pjeongçang.
Të dy vendet këtë javë kanë vendosur edhe komunikim të drejtëpërdrejtë në prag të negociatave.
Presidenti amerikan Donald Tramp e ka përshëndetur paralajmërimin për fillimin e negociatave mes Koresë së Veriut dhe asaj të Jugut dhe potencoi se kjo është rezultat i “presionit të tij intensiv” mbi autoritetet e Koresë së Veriut.