Java e ardhshme, Izraeli përfundimisht largohet nga UNESKO

Kryeministri izraelit Benjamin Netanjahu deklaroi se vendi i tij do të tërhiqet nga UNESKO nga fundi i javës së ardhshme.

Në tetor Netanjahu paralajmëroi se Izraeli do të dalë nga organizata, pas vendimit të presidenti amerikan Donald Tramp që ta tërheq SHBA-në nga UNESKO për shkak të “anshmërisë antiizraelite” brenda në organizatë.

“E urdhërova Ministrinë e Punëve të jashtme që të tërhiqemi nga UNESKO nga fundi i javës”, deklaroi Netanjahu në fillim të seancës së sotme të rregullt qeveritare.