Vota kundër Trump, SHBA ‘kërcënon’: Ky votim do mbahet mend
Pasi 9 vende pjesëmarrëse në votimin në OKB për shpalljen e Jerusalemit si kryeqytet i Izraelit, votuan kundër, nisën edhe kërcënimet e para nga amerikanët.
Ambasadorja e SHBA ne OKB, Nikki Haley ka reaguar në një konferencë për mediat ku tha se SHBA do të vendosë ambasadën e saj në Jerusalem pavarësisht nga rezultati i votimit.
Haley theksoi: “Kjo është ajo që qytetarët amerikanë duan që ne të bëjmë dhe kjo është gjëja e duhur për të bërë.
Ky votim nuk do të bëjë një ndryshim në atë se si amerikanët e shikojnë OKB-në. Dhe ky votim do të mbahet mend”.
Vetë presidenti amerikan Donald Trump është shprehur: “Ne po i shikojmë ato vota. Le të votojnë kundër nesh, ne do të kursejmë më shumë, nuk na intereson”.
Para votimit, Nikki Haley, lëshoi një kërcënim të drejtpërdrejtë, duke thënë se SHBA do të mendojë dy herë për financimin e vendeve anëtare në qoftë se votonin kundër vendimit të Trump.