fbpx

Mahnitëse! Truri në veprim ngjyroset si një qiell plot me yje

Truri ngjyroset si një qiell plot me yje në kohë reale, për të treguar funksionimin e tij: secili ‘Yll’ është një lidhje mes neuroneve, shfaqur në mënyrë më pak ose më shumë të fortë, në përputhje me nivelin e aktivitetit. E bën të dukshme është teknika e përshkruar në revistën Nature Communications nga studiuesit në Universitetin Vita-Salute San Raffaele, e cila është përdorur deri tani vetëm tek minjtë, për të fotografuar lidhjet midis qelizave nervore (sinapseve), shkruan Bota.al. Ajo mund të çojë në zhvillimin e teknikave të ngjashme në të ardhmen, për diagnostikimin e sëmundjeve neurologjike edhe tek njerëzit.

“Është sikur më në fund mund të fotografojmë në brendësi të trurit të një qenie të gjallë, aktivitetin e qarqeve nervore, dhe kjo me një rezolucion shumë të lartë”, shpjegon Antonio Malgaroli, profesor i fiziologjisë dhe neuroshkencave në Fakultetin e Psikologjisë.

Ideja fituese në themelin e studimit ishte të gjurmohej komunikimin midis neuroneve në nivelin e lidhjeve të tyre. Kjo ndodh në sajë të një proteine ​​të modifikuar, e cila ngjyroset në çastin kur neuroni, i stimuluar nga një sinjal elektrik, lëshon jashtë molekulat e veta sinjalizuese (neurotransmetuesit) për të dërguar një mesazh tek neuroni tjetër, në qarkun nervor.

Sipas studiuesve, ky studim mund të çojë në të ardhmen drejt zhvillimit të metodave të ngjashme dhe mund të përdoret edhe tek njerëzit. Këto teknika mund të përdoren për diagnostikimin e hershëm të sëmundjeve të ndryshme neurologjike dhe psikiatrike që ndryshojnë funksionin e trurit, apo për të testuar dhe për të përmirësuar efektet e trajtimeve të shumë medikamenteve. 

Lajme të ngjashme

Leave a Reply

Your email address will not be published. Required fields are marked *

Back to top button