Seul: Koreja Veriore me siguri përgatit test të ri raketor

Koreja Veriore do të mund të kryejë test të ri raketor duke i pasur parasysh aktivitetet e përshpejtuara të cilat janë vërejtur në stacionet hulumtuese, bëri të ditur sot agjencia koreanojugore e lajmeve Jonhall, duke iu referuar agjencisë koreanojugore të zbulimit, transmeton MIA.

“Ekziston mundësi që Koreja e Veriut të lansojë raketë sepse është vërejtur lëvizje e automjeteve në stacionin hulumtues në Phenian”, kumtoi Shërbimi nacional koreanojugor i zbulimit.

Jonhap thekson se me siguri lokacioni për testimin bërthamor në qytetin koreanoverior Pungje-ri është dëmtuar gjatë provës së gjashtë më të madhe bërthamoroe që Pheniani e ka kryer në shtator.

Lajmi për testimin eventual të ri raketor koreanoverior është publikuar para vizitës së presidentin amerikan Donald Tramp në Seul. Në kuadër të turnesë aziatike, Tramp më 7 nëntor do të udhëtojë në Seul, ndërsa do t’i vizitojë edhe Japoninë, Kinën, Vietnamin dhe Filipinet.

Sekretari i përgjithshëm i NATO-s, Jens Stoltenberg në Seul deklaroi se ambiciet e armatosura të Phenianit janë “kërcënim global”.

“Mendoj se të gjithë kuptojmë se lufta do të jetë jashtëzakonisht e rrezikshme dhe katastrofike jo vetëm për njerëzit të cilët jetojnë në rajon, por edhe për paqen dhe stabilitetin botëror”, theksoi Stoltenberg.

Ai shtoi se Aleanca “çdoherë është e gatshme të përgjigjet dhe të refuzojë çdo sulm nga cili do drejtim”.

“Me rëndësi është që tensionet të mos dramatizohen, që të mos krijohet situatë problematike”, theksoi Stoltenberg.