“Huavei” i interesuar për zhvillim të teknologjive informatike në Maqedoni

Përfaqësues të kompanisë informatike kineze dhe telekomunikuese “Huavei” sot në takim me kryeministrin Zoran Zaev kanë shprehur interes të përbashkët për bashkëpunim intensiv në fushën e zhvillimit të shoqërisë informatike dhe teknologjive të reja informatike në Maqedoni, kumtoi shërbimi për informim i Qeverisë.

Zaev i ka përshëndetur, siç qëndron në kumtesë, qëllimet dhe elanin e “Huaveit” për investim të mëtutjeshëm në kapacitete të mëtutjeshme zhvillimore në Maqedoni dhe i ka inkurajuar që qëllimin e tyre të këtillë të fillojnë ta realizojnë përmes intensifikimit të komunikimit me Qeverinë dhe me pushtetet lokale në vend.

Nga “Huavei” e kanë njoftuar kryeministrin me potencialet e tyre në nivel lokal dhe global dhe e kanë potencuar gatishmërinë që t’i implementojnë planet e tyre dhe në drejtim të zhvillimit lokal në Maqedoni, përmes strategjive investive dhe inovative të kompanisë.

“Kemi interes dhe dëshirë që ta modernizojmë shoqërinë tonë, për çka ekziston motivim i madh në gjithë Qeverinë. Ky mund të jetë një rast i shkëlqyer që ta fillojmë këtë proces në një nivel më të lartë”, ka theksuar kryeministri Zaev në takim.