fbpx

U nënshkrua Aneks marrëveshja me afat të ri për autostradën Milladinovci-Shtip

Afati për ndërtimin e autostradës Milladinovci-Shtip edhe zyrtarisht është vazhduar deri në fund të shtatorit të vitit të ardhshëm me marrëveshjen e nënshkruar sot mes përfaqësuesve të Qeverisë së Maqedonisë dhe të kryesit të punëve ndërtimore, ndërmarrjes kineze “Sinohidro”.

“Me këtë hap Qeveria e tregon përkushtimin e vet për përfundim të këtij projekti infrastrukturor, i cili do të jetë në dobi për qytetarët dhe ekonominë e Republikës së Maqedonisë”, vlerësuan zëvendëskryeministri për çështje ekonomike, Koço Angjushev dhe ministri i Transportit dhe Lidhjeve, Goran Sugareski, të cilët me u.d. drejtor i Ndërmarrjes publike për rrugë shtetërore, Zoran Kitanov, e nënshkruan ankes marrëveshjen me përfaqësuesin e ndërmarrjes Sinohidro në Maqedoni, Fan Jang.

Nënshkrimit të Aneks marrëveshjes i paraprinë ndryshime dhe plotësime të Ligjit për realizimin e projekteve infrastrukturore për ndërtimin e autostradave Milladinovci – Shtip dhe Kërçovë – Ohër, pasi që investuesi nuk i kreu punët deri më 1 maj të këtij viti, që ishte afati i parë.

Siç theksuan Angjushev dhe Sugareski, qëllimi i Qeverisë është që aksi i autostradës të përfundojë në procedurë legale, për ç’shkak edhe Kuvendi i solli ndryshimet dhe plotësimet e domosdoshme ligjore, kumtoi shërbimi i Qeverisë për informim.

Në aksin e ri të autostradës Milladinovci – Sveti Nikole Shtip, në gjatësi prej 47 kilometrave, deri më tani janë përfunduar 74 për qind e punëve ndërtimore. Vlera e atij projekti është 206 milionë euro.

Ai paralajmëroi se do të fillojnë bisedimet me “Sinohidro”-n edhe për vazhdimin e afatit për ndërtimin e autostradës Kërçovë – Ohër sepse, siç deklaroi, dukshëm se afati i tanishëm, 31 janar i vitit të ardhshëm, nuk do të jetë i mjaftueshëm.

Ndërtimi i autostradës Kërçovë – Ohër, në gjatësi prej 57 kilometrave, sipas marrëveshjes së tanishme, kushton 374 milionë euro. Vlerësimet fillestare të institucioneve kompetente tregojnë se do të nevojiten plotësisht mbi 120 milionë euro.

Lajme të ngjashme

Leave a Reply

Your email address will not be published. Required fields are marked *

Back to top button