fbpx

Ashpërsohet lufta e fjalëve midis Trumpit dhe Kimit

Udhëheqësi i Koresë së Veriut, Kim Jong Un, tha se fjalimi i presidentit amerikan, Donald Trump, para Asamblesë së Përgjithshme të Kombeve të Bashkuara, e ka bindur atë se ka të drejtë të zhvillojë armë bërthamore.

Kim tha se Trump “do ta paguajë shtrenjtë”, pasi ka deklaruar se SHBA do ta “shkatërrojë tërësisht” Korenë e Veriut, nëse ajo paraqet kërcënim për të ose aleatët, transmeton REL. 

Trump u përgjigj, duke thënë se “njeriu i sëmurë do të tesohet si kurrë më parë”.

Dy vendet janë përfshirë në një retorikë edhe më të urryer në muajt e fundit.

Kina ka reaguar ndaj luftës së fjalëve, duke paralajmëruar se “situata është e komplikuar dhe e ndjeshme”.

Rusia po ashtu ka bërë thirrje për përmbajtje.

Koreja e Veriut, vetëm në shtator, ka testuar një bombë të dyshuar hidrogjeni dhe një raketë balistike me rreze të gjatë veprimi.

Ministri i Jashtëm i Koresë së Veriut, Ri Yong-ho, i cili më herët e ka krahasuar fjalimin e Trumpit me “zhurmën e një qeni që leh”, paralajmëroi se Phenjani mund të testojë një bombë hidrogjeni në Oqeanin Paqësor, në përgjigje të kërcënimit nga presidenti amerikan.

Tags

Lajme të ngjashme

Leave a Reply

Your email address will not be published. Required fields are marked *

Back to top button
Close