Nënë e bijë kanë sulmuar policë para Ambasadës së BeH-së
L.A. (65) dhe e bija e saj K.A. (42) nga Shkupi mbrëmë rreth orës 21:30 fillimisht në mënyrë verbale, ndërsa pastaj edhe fizikisht kanë sulmuar dy nëpunës policor para Ambasadës së BeH-së, duke u shkaktuar lëndime trupore.
Ngjarja e pakëndshme në rrugën “20 Tetori” ka filluar me grindje pasi policët u kanë thënë nënës dhe të bijës se e kanë parkuar automjetin e tyre “Mercedes” në vend të ndaluar.
Nëna dhe bija janë privuar nga liria dhe janë mbajtur në Stacionin Policor Qendër për procedurë të mëtejshme.
Punohet për ndriçimin e plotë të rastit.
