Turqia pushoi nga puna qindra të punësuar dhe e rriti ndikimin e presidentit përmes dy dekreteve

– Turqia pushoi nga puna më shumë se 900 funksionarë shtetërorë dhe e përforcoi ndikimin e presidentit Rexhep Taip Erdogan në agjencinë kombëtare të zbulimit MIT përmes dy dekreteve të publikuara të premten.

Mes 928-të nëpunësve shtetërorë të shkarkuar sipas njërit dekret, janë anëtarë të ushtrisë, ligjerues universitarë dhe nëpunës në Ministrinë e Drejtësisë, të Punëve të Brendshme dhe të Punëve të Jashtme.

Autoritetet turke ua kanë marrë gradët dhjetë gjeneralëve të brigadës në pension.

Tri kompani dhe tre mediume, kryesisht në pjesën juglindore të vendit, kryesisht kurdë, janë mbyllur në bazë të këtij dekreti.

Krahas kësaj, 57 nëpunës shtetërorë dhe persona ushtarakë që paraprakisht janë shkarkuar, tani janë kthyer në vendet e tyre të punës, duke i përfshirë edhe 28 funksionarë të Ministrisë dhe institucioneve tjera.

Dekretari i dytë parashikon që Organizata zbuluese kombëtare (MIT) t’i nënshtrohet presidencës dhe të hapë 32.000 pozita në forcat e sigurisë, prej të cilëve 22.000 vende pune për policë. Për gjykatësit dhe prokurorët janë krijuar edhe katër mijë vende pune.

Dekretari i lejon MIT-it të zbatojë hetime për të punësuarit në Ministrinë e Mbrojtjes ose për pjesëtarët e forcave të armatosura.