Forcat irakiane për herë të parë çlirojnë nga DEASH-i vendbanim në Tal Afar

Forcat irakiane për herë të parë kanë çliruar vendbanim në Tal Afar nga organizata terroriste DEASH, në të cilin jetojnë banorë turkmenë, raporton Anadolu Agency (AA).

Zëdhënësi i njësisë speciale pranë ushtrisë irakiane, Abdulemir Muhammed, për AA tha se njësitet speciale nga organizata terroriste kanë çliruar vendbanimin Kifah el-Simali, në perëndim të Tal Afar.

Sipas tij përskaj përleshjeve intensive me të cilat përballen pjesëtarët e forcave të sigurisë arritën të thyejnë vijën mbrojtëse të DEASH-it dhe vendosën kontroll mbi vendbanimin.

Gjeneral koloneli i cili udhëheq aksionin në Tal Afar, Abdulemir Yarullah, njoftoi se forcat e brigadës së 16-të morën edhe rafinerinë e naftës Kesk.

Yarullah deklaroi se forcat irakiane morën edhe fshatrat Tastiyye dhe Tel el-Simen.

Kryeministri i Irakut, Haidar el-Abadi, të dielën njoftoi se ka filluar aksioni për çlirimin e Tal Afar nga DEASH-i.